Hamarkada: 2010

• 2013-10-5. Joseba Albizuk mendiko bizikletako Gipuzkoako Txapelketa irabazi zuen, Oiartzunen.
• 2013-10-4. Ehundaka herritarren babesa jaso zuen Eneko Ibargurenek, bere atxiloketa eta Herrira-ren kontrako operazioa salatzeko elkarretaratzean.
• 2013-10-1. Joxean Agirrek 'Adiskide bat nuen' eleberria aurkeztu zuen, Donostian.
• 2013-10-1. Azpeitia 2025 Plan Estrategikoa onartu zuen Udalak.
• 2013-9-30. Eneko Ibarguren atxilotu zuen Guardia Zibilak Loiolako liburutegian, Herrira herri mugimenduaren kontrako operazioaren barruan. Urriaren 3an aske utzi zuten, karguekin, Espainiako Auzitegi Naziolean deklaratu ondoren.
• 2013-9-21. Joseba Albizuk mendi bizikletako maratoi erako Euskadiko Txapelketa irabazi zuen, Lesakan.
• 2013-9-20. Lehen Azoka Herritik ekimena hasi zen, Erdi Aroko Azokaren tokikoa hartuta. Hiru egunez, Azpeitiko dendari, baserritar, artista eta bestelako eragileek euren eskaintza plazaratzeko aukera izan zuten.
• 2013-9-17. Hiri Antolamendurako Plangintza Orokorra behin betiko onartu zuten, ez ohiko Udalbatzarrean, EH Bilduren eta EAJren aldeko botoekin eta Hamaikabaten kontrakoarekin.
• 2013-9-13. 'Azpeitiko ondarea unitate didaktikoetan' proiektuaren lehen liburuxka ('Azpeitia ezagutzen') aurkeztu zuten udaletxean. Olaz Aranguren (testuak) eta Iban Izagirre (ilustrazioak) izan ziren edukien egileak.
• 2013-9-12. 'Libre' dinamika abiatu zuten Azpeitian ere, 'herriko tabernen' auziko eta Segiko kideen kontrako epaiketen bueltan Euskal Herrian sortutako ekimenaren baitan.
• 2013-9-8. Pablo Etxeberria igerilariak (Izarraitz IE) senior mailan Gipuzkoako Distantzia Luzeko Liga irabazi zuen. Masterren sailkapenean, berriz, hirugarren tokian sailkatu ziren Rafa Zubeldia eta Leire Zeziaga.
• 2013-9-8. Itsaso Aramendik Kontxako Bandera irabazi zuen, Zumaiako arraun taldearekin.
• 2013-8-25. Jexux Epelde hainbat urtean Lagun Onak Futbol Taldean lanean aritutakoa zendu zen. Uztailean, Lagun Onak Egunean, omenaldia jaso zuen Epeldek.
• 2013-8-7. Alfonso Gallardo Taldeak Corrugados Azpeitiako langile guztiak kaleratu eta enpresa itxi zuen.
• 2013-7-6. Nerea Etxeberria Euskadiko txapeldun izan zen ironman erdiko distantzian.
• 2013-6-24. Mikel Labakak futbolari izateari utzi zion, 32 urterekin. 2011ko udaran Reala utzi behar izan zuen, eta Madrilera joan zen, Rayo Vallecano taldera.
• 2013-6-21. Iñigo Ibarguren azpeitiar idazleak 'Triangelu irristakorra' liburua aurkeztu zuen jendaurrean.
• 2013-6-19. Fernando Morillok 'Pasio krimena' liburua aurkeztu zuen, Donostian.
• 2013-6-18. Corrugados Azpeitiako 76 langilek sinatu zuten kitatze-agiria.
• 2013-6-13. Webgunerako estilo liburua argitaratu zuen Uztarria Komunikazio Taldeak.
• 2013-6-7. Errezeta elektronikoa iritsi zen Azpeitira. Osakidetzaren txartelak paperezko errezetak ordezkatu zituen, salbuespenezko kasu jakinetan izan ezik.
• 2013-6-4. Herritarren parte-hartzerako araudia behin betiko onartu zuen Udalak.
• 2013-6-1. Iban Arregik Berria Taldeko kontseilari ordezkari kargua hartu zuen. Joanmari Larrarteren lekukoa hartu zuen azpeitiarrak.
• 2013-5-28. Udalak Mahai Soziala eratu zuen, gizarte beharren inguruan lanean dabiltzan taldeekin eta eragileekin batera.
• 2013-5-27. Jose Maria Guibertek Deustuko Unibertsitateko erretore kargua hartu zuen.
• 2013-5-24. Akordiorik gabe amaitu zen Corrugadoseko espedientearen negoziazio epea.
• 2013-5-19. Guillermo Aizpuru omendu zuten Oiartzunen, 1939 eta 1942 urte bitartean, frankismo garaian, gatibu gisa lan egin zuelako.
• 2013-5-11. Benantxio Irureta (Aizarna, 1953) mendizalea hil zen Aneton, istripua izanda. Lagun talde batekin zebilen mendian eta amildegi batean erorita zendu zen azken 34 urtean Azpeitian bizi zen aizarnarra
• 2013-5-7. Hondakinen bilketa edukiontzi bidez, baina kontrolatuta egitea onartu zuten Udaleko alderdi guztiek aho batez, udalbatzarrean.
• 2013-5-6. Izarraitz Kontserbazio Bereziko Eremu izendatu zuten.
• 2013-5-3. Hutsik gelditu zen Joxe Takolo beka.
• 2013-4-27. Asier Cuevasek 100 kilometroko Europako txapelketa irabazi zuen, Belvesen (Frantzia).
• 2013-4-24. Alfonso Gallardo Taldeak lau enpresari (Corrugados Azpeitia eta Lasao, tartean) eragiten zion Lana Erregulatzeko Txostena aurkeztu zuen, Madrilgo Lan eta Gizarte Segurantza Ministerioan.
• 2013-4-20. 'Errezildarren ateraldiak' liburua aurkeztu zuten Errezilgo udaletxean. Laxaro Azkunek, Imanol Lazkanok eta Joan Jose Eizmendi Loidisaletxe-k egin eta Uztarria Komunikazio Taldeak argitaratu zuten liburua.
• 2013-4-20. Corrugados Azpeitia ez ixteko manifestazioa egin zuten ehunka lagunek.
• 2013-3-23. Xabier Lasak Maratoi Erdiko Gipuzkoako Txapelketa irabazi zuen, XX. Azkoitia-Azpeitiaren lasterketa nagusian hamargarren egin ostean. Emakumeen Gipuzkoako Txapelketan bigarren postua eskuratu zuen Nerea Etxeberriak.
• 2013-3-13. Azkue Literatur Saria jaso zuten Iñaki Arizmendi eta Nerea Urrestilla Urola Ikastolako ikasleek.
• 2013-3-7. Udalak harrera egin zion Oihana Goenaga azpeitiar igerilariari, Infantil Mailako Espainiako Txapelketa irabazi zuelako.
• 2013-2-28. Hiri Antolamendurako Plan Orokorrari behin-behineko onarpena eman zion Udalak.
• 2013-2-27. 'Garoa taldea. Aurrera Zuru' Realeko peña aurkeztu zuten.
• 2013-2-23. Grebaren ostean, Corrugados Azpeitia enpresako fundizioa martxan jarri zuten.
• 2013-2-13. Ignacio Artetxe medikua hil zen, 92 urterekin.
• 2013-1-31. Azpeitiko Udalak lehiaketa publikoetan euskara irizpideak jarriko zituela iragarri zuen.
• 2013-1-29. Unai Iparragirre 'Txipa' txirrindulariak Euskadi Fundazioa taldearekin kontratua sinatu zuen urtebeterako.
• 2013-1-28. Corrugados Azpeitia martxan jarri zuten, baina Alfonso Gallardo Taldeko zuzendaritzaren eta langileen arteko akordiorik gabe.
• 2013-1-26. Imanol Elias historialaria zendu zen gaixotasun luze baten kontra borrokan ibili ostean, 77 urterekin. Historialaria izateaz gain, antzerki-egilea, antzerki zuzendaria, historialaria, Azpeitiko alkatea, idazlea, irakaslea... eremu askotan nabarmendu zen Elias. irakaslea... Besteak beste, Azpeitiko ohorezko kronista izendatu zuen Udalak 2010ean; 2011n, Kultur Mahaiak ohorezko bazkide. Uztarriak haren biografia argitaratu zuen, Mailo Oiarzabalek idatzia, 2002an.
• 2013-1-25. Jesus Larrañagak udalean utzitako zinegotzi kargua Joxetxo Aizpuruk hartuko zuela iragarri zuen Azpeitiko EAJk. Alderdiaren udaleko bozeramaile, berriz, Aitor Gorrotxategi izendatu zuten.
• 2013-1-24. Inaxio Bastida 'Etxeberritxo' panderojolea hil zen bihotzekoak jota, 70 urterekin.
• 2013-1-22. Jesus Larrañaga EAJko zinegotzi eta bozeramaileak dimisioa eman zuen.
• 2013-1-19. Otsailean 'Euskaldunon Egunakaria' itxi zutela hamar urte betetzen zirela-eta, eta euskal prentsari aitortza egin eta gertakari hura ekarri zuten gogora danborradan.
• 2013-1-16. Luizi batek harrapatu zuen Urrestillako Zuola baserria. Bertako bizilagunak onik atera ziren, baina kalte material handiak eragin zituen.
• 2013-1-13. Unai Orbeak kadete mailako Espainiako Ziklokros Txapelketa irabazi zuen.
• 2013-1-12. Angel Gurrutxaga Euskadiko Automobilismo Federazioko lehendakari izendatu zuten berriro.
• 2013-1-10. Helduen danborradan 'Goizeko izarra' abestia jotzea onartu zuten danbor taldeek.
• 2013-1-7. Azpeititik pasatzen diren GR 9 eta GR 21 ibilbideak deskatalogatu zituen Gipuzkoako Mendi Elkarteak.
• 2013-1-4. Corrugados Azpeitiako langileek greba utzi zuten, sei hilabeteren ostean.
• 2012-12-29. Joxe Labaka gidaria izendatu zuten 2013ko Azpeitiko Urteko Kirolaria.
• 2012-12-23. Imanol Lazkanok azkeneko aldiz kantatu zuen jendaurrean, Sanagustin kulturgunean. Hilabete batzuk lehenago iragarri zuen plazak uzteko hartutako erabakia.
• 2012-12-23. Euskal Herriko Harri Handien Txapelketa irabazi zuen Aimar Irigoienek, seigarrenez.
• 2012-12-21. Urteko Europako Argazkilarien Txapelketan, erretratuen sailean, Urrezko Kamera saria irabazi zuen Xanti Rodriguez argazkilariak.
• 2012-12-15. Joxe Agirre bertsolaria hil zen, zorabio bat izanda, 83 urterekin.
• 2012-12-13. Bost urteko kartzela zigorra ezarri zion Frantziako epaitegi berezi batek Josu Urbieta 'Pow'-ri, ETA erakunde armatuko logistika militarreko kide izatea leporatuta.
• 2012-12-13. Auzarazarako Plan Berezia behin betiko onartu zuen Udalak.
• 2012-12-12. Valentin Odriozolak Euskadiko XV. Txistorra Txapelketa irabazi zuen Ordizian.
• 2012-12-12. Corrugadoseko lan erregulazio txostena baliorik gabe utzi zuen EAEko Justizia Auzitegiak.
• 2012-12-10. Maria Jesus Garmendia hil zen. Urteetan Erregeen kabalgatan lanean ibili zen lanean, eta Udalaren omenaldia jaso zuen sansebastianetan. EAko zinegotzi ere izan zen Udalean, 1987tik 1995era.
• 2012-12-8. 'Mujer de canela' liburua aurkeztu zuen Gaizka Zubizarretak Urrestillan.
• 2012-12-7. Azcue y Cia enpresak hartzekodunen lehiaketa aurkeztu eta urtea bukatzean enpresa itxiko zuela iragarri zuen.
• 2012-12-4. Udalak batzorde kopurua erdira jaistea erabaki zuen udalbatzarrean, aho batez. Hamabitik seira murritzea erabaki zuten.
• 2012-12-3. Euskara indartzen jarraitzeko deia eginda agurtu zuten herrian lehen Euskaraldia.
• 2012-11-24. Asier Cuevasek irabazi zuen Donostiako XXXV. Maratoia. Xabat Manzisidor bosgarrena izan zen sailkapen orokorrean.
• 2012-11-19. 'Txiki' eta Otaegi indarkeria politikoaren biktimak direla aitortu zuen Eusko Legebiltzarrak.
• 2012-11-17. Enrike Zurutuzaren biografia txikia aurkeztu zuen Uztarria Komunikazio Taldeak. Ihintza Agirretxe azpeitiar kazetariak idatzi zuen.
• 2012-11-10. Agus Perez 'Berria' egunkariko antzerki kritikoak jaso zuen III. Antzerkizale Saria, Azpeitiko 2012ko Antzerki Topaketen baitan.
• 2012-11-9. Miel Anjel Elustondok 'Zozoen elean' liburua kaleratu zuen.
• 2012-10-28. Joxe Labaka pilotuak eta Aitor Otaegi kopilotuak Euskadiko Rallysprineteko Txapelketa irabazi zuten.
• 2012-10-25. Betharrameko eraikineko aretoa berritu zuten eta Udalak herritarrei eskura jarri zien erakusketak egin ahal izateko.
• 2012-10-23. 2007ko Arau Osagarrien berrazterketa baliogabetu zuen Espainiako Auzitegi Gorenak.
• 2012-10-21. EH Bildu koalizioa izan zen Azpeitian bozkatuena Eusko Legebiltzarreko hauteskundeetan, bozken %46,88arekin. EAJ izan zen bigarrena, bozken %43,36arekin.
• 2012-10-20. Santos Iriarte 'Errekartetxo', Jesus Maria Oiartzabal 'Arantzeta', Jose Antonio Lopetegi 'Agerre II' eta Aimar Irigoien harri-jasotzaileak omendu zituzten Donostian, 'Harria 100' ekitaldiaren baitan.
• 2012-10-18. Mireia Epelde txirrindulariak taldez aldatu eta Michela Fanini italiar taldearekin urtebeterako kontratua sinatu zuen.
• 2012-10-14. Jon Ibargurenek eta Idoia Besadak Euskal Herriko Dantza Txapelketa irabazi zuten bigarrenez, Seguran.
• 2012-10-11. Pako Aristik 'Independentziaren paperak' saiakera liburua aurkeztu zuen.
• 2012-10-6. Aimar Irigoienek Gipuzkoako Harri Txikien Txapelketa irabazi zuen, seigarrenez.
• 2012-10-4. Azpeitiko ondarea unitate didaktikoetan proiektua aurkeztu zuten.
• 2012-10-2. Auzarazako Plan Bereziari hasierako onarpena eman zion Udalak, "eraikita dauden etxeak babesteko".
• 2012-9-20. Fernando Morillo idazleak 'Abbadiaren sekretua' eta 'Zonbia San Mamesen' liburuak aurkeztu zituen, Bilbon.
• 2012-9-14. Grebaren harira hasitako itxialdia utzi zuten Corrugados Azpeitiako langileek.
• 2012-9-11. Auzo alkateak izendatu eta aurkeztu zituzten.
• 2012-8-20. Corrugados Azpeitiako langileek grebaren harira, itxialdia hasi zuten.
• 2012-7-30. Jose Maria Vicente Loiolako Erretore Nagusi izendatu zuten.
• 2012-7-20. Iñaki Errazkin Gipuzkoako Foru Aldundiko Ingurumen diputatu izendatu zuten.
• 2012-7-19. Emakumeenganako indarkeriaren kontrako protokoloa aurkeztu zuten herriko hainbat eragilek.
• 2012-7-18. Oinatz Elkarte Animalista aurkeztu zuten jendaurrean.
• 2012-7-15. Nuarbeko pilotaleku berritua inauguratu zuten.
• 2012-7-14. Labaka, Otaegi eta Aizpuru III.-nak erremonte profesionalean debutatu zuten.
• 2012-7-12. Katty Nevado Bidegi enpresako kudeatzaile izendatu zuten.
• 2012-7-8. Jose Mari Orbegozo dantzaria omendu zuten Azpeitia Dantzan ekimenaren baitan.
• 2012-6-30. Rikardo Arregi Kazetaritza Berria Saria jaso zuen Miren Garate Berriako azpeitiar kazetariak.
• 2012-5-29. Euskal Herriko hainbat tokiko hedabidek, tartean Uztarria Komunikazio Taldeak, Tokikom SL enpresa sortu zuten.