Azpeitiko erroak ditu eta Azpeitian bizi da gaur egun Malen Amenabar (Larrabetzu, Bizkaia, 1994). Gurasoek bultzatuta ikasi zituen Arte Ederrak, Txakur Gorria sormen taldeko kidea da, eta "zorteduna" dela kontatu du 2021eko uztaileko Uztarria aldizkarian, ilustratzaile profesionala izatea lortu baitu.

Sanagustin kulturgune osatuaren hamargarren urteurreneko ekitaldia egin dute gaur, Sanagustinen bertan. Bertsoz, musikaz, antzerkiz eta kantuz hornitutako ekitaldia izan da, atzera begira jarrita zer ospatua badela, eta aurrera begira jartzeko indarrak batzearen garrantziaz ohartzeko.