Dagoeneko ireki dute erreferendumaren alde Bilbon egingo duten manifestaziora joateko izen-ematea, eta Orkatzen, Nizan eta Elikagunean egongo da horretarako aukera. Azpeitiko Gure Eskuk gogoratu du erreferendumaren aldeko sinadura bilketarekin ere jarraitzen dutela. 

Azken txanpara iritsi da Azpeitiko Gaztetxeak antolatutako Azpeitiye desegin musika zikloa. Atzokoa azkenbigarren hitzordua izan zen. Musika eta politika mahai ingurua egin zuten Gaztetxean, eta herritar ugari bertaratu zen saiora. Egitarauari gaur emango diote bukaera, Arroite eta Ukabil taldeen kontzertuekin. 19:00etan hasiko dira horiek eta dagoeneko amaitu dira sarrerak.