Gipuzkoako Foru Aldundiak DBHko gazteak euskarazko edukiak sortzera eta sare sozialetan horiek kontsumitzera bultzatzen dituen dinamika da Hi Gazte!. 2022ko edizioko Kuxkuxean erronkaren bideo onenaren saria jaso dute Nerea Uria, Lide Aizpuru, Ainhoa Oiarbide, Leire Larrañaga eta Nare Sargsyan Iraurgiko ikasleek.

Herritarren ekarpenekin osatutako plangintza aurkeztu du udalak. 2023-2026 eperako hiru erronka nagusi, bost lan ildo eta 50etik gora ekintza jasotzen ditu planak, azken horietatik hemeretzi aurten martxan jartzea proposatuz. Euskara Mahaiak hartuko du plana garatzeko eta horren jarraipena egiteko ardura, eta mahai hori "osatzea eta egonkortzea" izango da, hain zuzen ere, lehen egitekoa. Otsailaren 8an egingo da horretarako lehen bilera.