2002-2-12. Jabier Iraetak sokamuturrari buruz egindako eskultura inauguratu zuten, Gernikako arbolaren inguruan kokatua.
1963-3-14. Gernikako Arbolaren ibiltokian umeen parkea egitea erabaki zuten.
1932-9-12. Gobernadore zibilak idatzitako gutuna irakurri zuten eta, agindu zuenez, udaletxeko areto nagusian Espainiako Errepublikaren sinboloak jarri behar ziren, orduan zeudenak kenduta -tartean, Loiolako Inazioren erretratua eta Gernikako arbolaren koadroa-. Alkatearen mozioa ontzat harturik, Udalak erabaki zuen gobernadorearen jakinean jartzea hilaren 4an herrian ospatutako Errepublikaren aldeko mitinean zer eratan jokatu zuten herriko agintariek, eta guztien aldetik egokitzat hartu zuten alkatearen ekimen hori.
1912-12-2. Zinegotzi batek eginiko proposamenari jarraituz, Udalak Gernikako arbolaren jatorrizko landarea frontoiaren inguruan aldatzea eta burdinazko hesi batez inguratzea erabaki zuten.
1905-1-9. Gernikako arbolaren landarea ekarri zuen Aurelio Ortizek erabilitako 'land' deituriko gurdiaren akura ordaindu zuten.
Imanol Eliasek 2003ko abenduan aurkeztu zuen Azpeitiko Efemerideak liburua. Geroztik, Uztarria Komunikazio Taldeak hartu du efemerideen datu-basea osatzeko ardura. Efemeride guztiak, hemen dituzue kontsultagai. Informazio gehiago