Udala

Tentsioa eta istilua nagusi udaleko kargu hartzean

Uztarria.eus | 2003-06-14 : 14:06 | Udala

Tentsioa eta istiluak nagusitu dira gaur eguerdian plazan eta udaletxean datozen legegintzaldirako udal agintarien kargu hartzean. Hamabost bozka jaso ditu Julian Eizmendik(EAJ-EA) eta bera izendatu dute alkate. Boto bat hutsa atera da. PPko ordezkaria, Francisco Piñeiro, ez da etorri Azpeitira kargu hartzera. Habeako lau ordezkariek, "jasotako botoen arabera" dagozkien lau zinegotzi aulkiak hartu eta kalera atera dituzte.

 

»» Erantzunak: 18 (Uztarria.eus...)

Gizartekintzak bulego berria du Azpeitiko Udaletxean

uztarria | 2003-06-11 : 18:06 | Udala

Azpeitiako Gizartekintzak bulego berria du. Udaletxeko bigarren pisuan dago gela berria, lehen bezala, baina beste aldean. Udaletxeko bigarren sarreratik igotzen zen gelara lehen, orain berriz, sarrera nagusitik.

Valdemoroko auziaren inguruan ez zen adostasunik lortu udaletxean

uztarria | 2003-05-21 : 19:05 | Udala

Valdemoroko presoen egoera larria dela eta mozioa aurkeztu zuen Azpeitiko Sozialista Abertzaleak (ASA) taldeak udalean. Mozioa ez zen onartu, EAJk eta EAk kontrako boza eman baitzuten.

 

Udalak tortura ekiditeko 9 puntuak onartu ditu

uztarria | 2003-05-21 : 16:05 | Udala

Iragan maiatzaren 5ean TATen prebentzio plana onartu zuen Udalak. Tortura ekiditeko bederatzi puntuak jasotzen zituen mozioarekin batera 1200 herritarren sinadurak jaso zituzten udaleko taldeek.

Enparan kalean etxea bota dute

uztarria | 2003-05-21 : 12:05 | Udala

Enparan kaleko 34. zenbakia bota dute gaur, udalaren aginduz. Bertan Udak sustapeneko etxebizitzak egiteko asmoa dute.

 

»» Erantzunak: 1 (Uztarria.eus)

PSE-EEko alkategaia Manoli Uranga da

Uztarria.eus | 2003-04-16 : 16:04 | Udala

Maiatzaren 25ean izango diren udal hauteskundeetarako PSE-EEko zerrendaburua Manoli Uranga izango da. Hala jakinarazi dio Uztarriari Gipuzkoako PSE-EEk.

Dantza, marrazketa eta lorategien diseinua, ikastaro berriak Zapo Txokon

Uztarria.eus | 2003-04-14 : 10:04 | Udala

Zapo Txoko Gaztelekuak urteko bigarren hiruhilabetekoari dagokion programa ezagutzera eman berri du. Apiriletik ekainera bitartean sabel dantza, marrazketa eta pinturaren hastapenak, terraza eta lorategietako diseinuaren hastapenak eta dantza garaikideko ikastaroa antolatu dira. Ikastaro hauetan guztietan parte hartzeko 14 urtetik gorakoa izan behar da, eta izena apirilaren 25a baino lehen eman behar da.

Arau Ordezkatzaileen Aurrerapena ikusgai da Udaletxean

Uztarria.eus | 2003-04-11 : 12:04 | Udala

Dekretuz onartu ondoren Arau Ordezkatzaileen Planteamentu Aurrerapena ikusgai da udaletxean. Datorren apirilaren 24 arte izango da ikusgai, eta herritarrek euren iradokizunak egiteko aukera izango dute denbora horretan.

'Loiola-Azpeitia Gizarte baliabideen Zentroa proiektua azaldu du Udalak'

Uztarria.eus | 2003-04-04 : 16:04 | Udala

Azpeitiko Udalak, alkatearen izenean, Loiola-Azpeitia Gizarte baliabideen Zentroa egitasmoaren berri eman du Azpeitiko etxeetara bidalitako gutun eta triptiko baten bidez. Proiektu honek "Azpeitiari gizarte eta ekonomi arloan aurrerakuntza garrantzitsuak ekarri" dakizkiokela azaltzen du Jose Mari Bastida alkateak.

 

»» Erantzunak: 2 (Uztarria.eus)

Oraindik ez da ziurra Azpeitian EAJ-EA koalizioa egingo denik

Uztarria.eus | 2003-01-30 : 18:01 | Udala

EAJko eta EAko zuzendaritzek gaur prentsaurrean esan dutenez, bi alderdiek akordio zabala lortu dute Arabako, Bizkaiko, Gipuzkoako eta Nafarroako maiatzeko udal hauteskundeetarako —"biztanleriaren %90 harrapatzen duena"— eta, akordioaren arabera, zerrenda bateratuak aurkeztuko dituzte 123 herritan. Azpeitiko kasua ez dago erabat baieztatua.

»» Erantzunak: 64 (Uztarria.eus...)

Haur eta gazteek zinea euskaraz ikusteko aukera dute

Uztarria.eus | 2003-01-28 : 16:01 | Udala

Azpeitiko Euskara Patronatua eta Udaleko Kultura Batzordearen ekimenez haur eta gazteentzat zinemaldia euskaraz antolatu da otsaileko, martxoko eta apirileko asteburuetarako. Gazteentzako emanaldiak larunbatetan, 19:30ean izango dira eta haurrenak, igandetan, 17:00etan. Emanaldi guztiak Soreasu Antzokian ikusi ahal izango dira, eta 2 euroko diru sarrera izango dute.

2003 urteko ordenantza fiskalen aldaketa

Uztarria.eus | 2002-12-10 : 12:12 | Udala

Azpeitiko 2003 urteko ordenantza fiskalen aldaketa eta behin betiko onespena jasotzen ditu gaurko Gipuzkoako Aldizkari Ofizialak.

Juan Joxe Agirrek eskuratu ditu Agenda 21en argazki lehiaketako bi sari nagusiak

Tokiko Agenda 21 | 2002-12-05 : 12:12 | Udala

Azaroaren 30ean, Azkoitin, San Andres eguna ospatzen zela aprobetxatuz Azkoiti-Azpeiti Tokiko Agenda 21aren baitan antolatutako “Gure Inguruari Begirada Bat” argazki lehiaketaren sariak banatu ziren. Lehiaketak bi modalitate zituen, positiboa eta salaketa modalitatea, bietan Juan Joxe Agirreren lanak izan dira irabazle.

 

»» Erantzunak: 2 (Uztarria.eus)

Eskola kontserjerako plaza bat lehiaketara atera da

Uztarria.eus | 2002-11-20 : 12:11 | Udala

Eskola Konserjerako plaza bat lehiaketa bidez egiteko deialdia egin du Udalak gaur. Lehiaketara aurkezteko epea abenduaren 10ean amaitzen da, eta eskaerak Azpeitiko Udaleko Erregistro Orokorrean edo posta bidez egingo dira.

»» Erantzunak: 1 (Uztarria.eus)

Santo Tomas Egunean postua jartzeko eskaria astelehenetik aurrera egin daiteke

Udal Festa Batzordea | 2002-11-15 : 10:11 | Udala

Santo Tomas Egunean, abenduaren 21ean, postua jarri nahi duten taldeek astelehenetik aurrera dute Udaletxean izena emateko aukera izango dute. Izena emateko epea abenduaren 9a arte irekita izango da, eta postuen zozketa abenduaren 11n arratsaldeko 20:00etan egingo da.

 

‘Azpeitiko postalak’ argazki lehiaketara lanak aurkezteko azken eguna da gaur

Uztarria.eus | 2002-11-07 : 12:11 | Udala

‘Azpeitiko postalak’ argazki lehiaketa duela hilabete batzuk ezagutzera eman zen Azpeitiko Udaleko Turismo eta Merkataritza sailetik. Azpeitiko turismoa bultzatzeko asmoa duen ekimen honetan Udalak Azpeitiko Argazki Elkartearen laguntza izan du. Lehiaketara lanak gaur entregatu behar dira, eta abenduaren 14ean ezagutu eta banatuko dira sariak.

Sansebastianetako karrozaren lehiaketa abian da

Uztarria.eus | 2002-10-30 : 12:10 | Udala

Udaleko Festa Batzordeak San Sebastian Egunean, urtarrileran 20an, umeen danborradarekin ateratzen den karroza lehiaketa bidez erebakiko du. Karrozaren gaia zezen plaza izango da, datorren urtean 100 urte beteko baititu. Interesatutako guztiek azaroaren 15a dute beren lanak aurkezteko azken eguna, eta aukeratutako karrozaren egileak 1.200€ saria jasoko du.

Aisialdiaren, gizarte-trebetasunen eta arrisku-praktiken gaineko inkesta

Udaleko Gazteria eta Gizartekintza Saila | 2002-10-28 : 15:10 | Udala

Azpeitiko 13 eta 25 urte arteko gazteen errealitatea ezagutzeko asmoz, datu-bilketa egin nahi da, eta horretarako inkesta bat prestatu du Drogen Aurreikuspenerako Mahaiak. Mahai hau pasa den urtarriletik martxan da, eta Udaleko Gazteria eta Gizartekintza Sailak sortutako ekimena da.

Udaletxeko sarrera nagusia zabalik da

Uztarria.eus | 2002-10-23 : 11:10 | Udala

Udaletxe barnekaldean egindako berrikuntza lanengatik zortzi hilabetez itxita izan ondoren berriro zabalik da udaletxeko sarrera nagusia. Udaletxean igogailu berria jarri da eta harrera nagusian ere zenbait aldaketa egin dira.

 

Familiakoren bat galdu dutenei 'doluan' laguntzeko talde dinamika jarri nahi du martxan Gizartekintza Sailak

Gizartekintza Saila | 2002-10-21 : 17:10 | Udala

Azpeitiako Udaleko Gizarte Zerbitzuak Talde dinamika proiektu bat martxan jarri nahi du familiako (ezkontide, semea, alaba, anaia, ahizpa, arreba...) baten heriotzaren aurrean sufritzen duten pertsonei laguntzeko.

Emaitzak: 560 | Orriak: 1 2 3 4 ... 23 24 25 26 27 28