Euskara

Azpeitiko Euskal Herrian Euskarazek barruko arropak jarri ditu salgai

Azpeitiko Euskal Herrian Euskaraz | 2003-07-23 : 12:07 | Euskara

Azpeitiko Euskal Herrian Euskarazek barruko arropak jarri ditu salgai.

 

»» Erantzunak: 3 (Uztarria.eus)

Bai Euskarari Ziurtagiria herriko 25 erakundek jaso zuten

Baite Azpeitiko Euskara Elkartea | 2003-07-21 : 18:07 | Euskara

Bai Euskarari Ziurtagirien banaketa ekitaldia pasa den larunbatean, uztailaren 19an, ospatu zen udaletxeko arkupetan. Bertan, herriko gizarte eragile desberdinek jaso zuten ziurtagiria, guztira 25 erakunde izan ziren euskararen alde hartutako konpromisoengatik ziurtagiria jaso zuten erakundeak. Sektore desberdinetako erakundeak egon ziren ordezkatuak: herriko enpresa, sindikatu, denda, kirol talde, kultura mundua,…

 

»» Erantzunak: 1 (Uztarria.eus)

Bai Euskarari Ziurtagirien banaketa ekitaldia egingo da bihar

Baite | 2003-07-18 : 09:07 | Euskara

Bihar larunbata, uztailak 19, ospatuko da Bai Euskarari Ziurtagirien banaketa ekitaldia Azpeitiko Enparantza Nagusian, 12:00etan. Bertan, herriko gizarte eragile desberdinek jasoko dute ziurtagiria, sektore desberdinetako erakundeak egongo dira ordezkatuak: enpresak, sindikatuak, dendak, kirol taldeak, kultura mundua... Guztira 25 erakunde izango dira euskararen alde hartutako konpromisoengatik ziurtagiria jasoko dutenak.

'Berria'-ri harrera bikaina Azpeitian

uztarria | 2003-06-21 : 13:06 | Euskara

Gaur sortu da Berria, euskarazko egunkari nazional berria, eta azpeitiarrek harrera bikaina egin diote, ale guztiak agortu egin direlako. Eta bihar? Eta hurrengo egunetan?

 

»» Erantzunak: 7 (Uztarria.eus...)

Euskarazko unibertsitatea, beharrezkoa eta gaur egun bideragarria da

Baite Euskara Elkartea | 2003-06-20 : 17:06 | Euskara

Xabier Isasi UEU (Udako Euskal Unibertsitatea)ko zuzendariak, ekainaren 18an (asteazkena) Aitonena I aretoan hitzaldi oso interesgarria eskaini zuen Baite Euskara Elkarteak antolaturik. "Behar al da Euskal Herrian euskarazko unibertsitaterik?" izan zen hitzaldiaren gaia.

Xabier Isasi UEUko zuzendariaren hitzaldia izango da bihar

Baite Euskara Elkartea | 2003-06-17 : 15:06 | Euskara

Euskarazko unibertsitatea izango du gaia Xabier Isasi UEUko (Udako Euskal Unibertsitatea) zuzendariak bihar, Aitonena Iean emango duen hitzaldian, 20:00etan. UEU, 30 urtetan zehar euskal unibertsitatea sortzen laguntzen ari da lanean.

Larunbatean ospatu zen Egunkaria eguna

Uztarria.eus | 2003-06-09 : 19:06 | Euskara

Egunkariaren Aldeko Azpeitiko Batzordekoek egun polita antolatu zuten pasa den larunbatean. Azpeitiar ugari bildu zen Egunkariaren aldeko eguna ospatzera

 

Asisko Urmeneta: "Gazte hizkeran, hizkera informalak indar handia du hizkuntza normalizatu guztietan"

Baite Euskara Elkartea | 2003-05-23 : 19:05 | Euskara

Aitonenako aretoan, maiatzaren 21ean, Baite Euskara Elkarteak gonbidatuta hitzaldi interesgarria eman zuen Asisko Urmeneta komikilariak. "Hizkera ez formala" hartu zuen gaitzat.

 

»» Erantzunak: 1 (Uztarria.eus)

Bai Euskarari Ziurtagiria-ren bigarren bilera izan zen maiatzaren 6an

Baite Euskara Elkartea | 2003-05-09 : 19:05 | Euskara

Baiteren eskutik martxan dago Bai Euskarari Ziurtagiria herrian; Bai Euskarari Akordio eta Konpromiso Prozesua herrian abian jarri zenetik bigarren bilera maiatzaren 6an izan zen, eta bertan herriko sektore desberdinetako (lan mundua, merkataritza, kultura,...) gizarte eragileak egon ziren ordezkatuak.

Giro paregabean inauguratu dute Hazparnen ikastolaren eraikin polita

Baite Euskara Elkartea | 2003-04-28 : 12:04 | Euskara

Hazparnek ere badauka ikastolako eraikin moderno eta txukuna, atzo inauguratu zutelako. Giro ederrean igaro zen eguna. Azpeitiarekin anaituta dago Lapurdiko herria, eta han izan ziren Ikasberri Ikastolako eta Baite Euskara Elkarteko ordezkariak.

 

»» Erantzunak: 5 (Uztarria.eus)

Hazparneko ikastola eraikin berria igande honetan inauguratuko da

Baite Euskara Elkartea | 2003-04-25 : 11:04 | Euskara

Igande honetan inauguratuko da Hazparneko ikastolako eraikin berria. Inaugurazio ekitaldia 12:00etan izango da, eta Azpeititik bertara joateko autobusa 09:30ean izango da anbulategian Ikasberri Azpeitiko Ikastolak antolatuta. Baiteko ordezkaritza ere joango da.

 

"Euskaldunok etnia eta hizkuntza askoren nahaste borrastea gara, baina nahaste borraste egituratua"

Baite Euskara Elkartea | 2003-04-16 : 13:04 | Euskara

"Euskaldunok etnia eta hizkuntza askoren nahaste borrastea gara, baina nahaste borraste egituratua" azaldu zuen Koldo Izagirrek Baite Euskara Elkarteak antolatutako hitzaldian. Jarraian hitzaldi horretako pasarte batzuk bildu dira.

 

»» Erantzunak: 4 (Uztarria.eus)

Milaka azpeitiar korrika euskararen alde

Uztarria.eus | 2003-04-07 : 15:04 | Euskara

Atzo, apirilaren 6an, 11:10ean hartu zuen Korrika 13.aren lekukoa Azpeitiko herriak Lasaon 419. kilometroan. Azpeitian zortzi kilometroko ibilbidea egin zuen lasterketak, Lasaotik Munategira bitartean, herria zuzen-zuzen zeharkatuz, eta hainbat azpeitiarrek hartu zuen parte.

 

»» Erantzunak: 1 (Uztarria.eus)

Arratsaldean izan da Korrika Txikia

uztarria@uztarria.com | 2003-04-04 : 18:04 | Euskara

Arratsaldean, lauretan igerilekutik abiatuta herriko kaleetan zehar Korrika Txiki izan da. Herriko sei ikastetxeetako haurrek hartu dute parte ekitaldian.

 

Korrika txikia gaur eta igandean Korrika 13

Uztarria.eus | 2003-04-04 : 12:04 | Euskara

Txan magoa izan zen atzo Soreasun Korrika kulturalaren barruan. Gaur, Korrika txikia izango da, 15:45ean igerileku aurretik aterata. Eta igandean, jai handia izango da herrian. 11:06an hartuko baitu Azpeitiko herriak Korrika 13ko lekukoa Lasaon.

 

Baitek Bai Euskarari Ziurtagiria abian jarri du herrian

Baite Euskara Elkartea | 2003-04-02 : 13:04 | Euskara

Baite Azpeitiko Euskara Elkarteak erronka berri bati heldu dio oraingo honetan, herrian Bai Euskarari Ziurtagiria bultzatuko duelako; euskararen normalizazioa lortzeko bidean egingo den beste pauso bat. Kontseiluak ematen duen ziurtagiria da eta dagoeneko Euskal Herriko 93 herritan martxan dago; oraingoan, Azpeitiko herriak dauka Bai Euskarari Ziurtagiria aurrera eramateko aukera.

 

Azpeitiko Euskara Patronatuak Erabili.com webgunea jarri du sarean

Uztarria.eus | 2003-04-01 : 12:04 | Euskara

Azpeitiko Euskara Patronatuak webgune berria dauka sarean, Erabili.com. Gaur bertan eman du webgune honen berri Euskara Patronatuak Sustatu webgunean. Jarraian duzu han jasotako albistea.

»» Erantzunak: 4 (Uztarria.eus)

Azpeitiarrek ere bat egin dute Egunkariaren aldeko elkartasun egunarekin

Uztarria.eus | 2003-03-13 : 15:03 | Euskara

Kontseilua eta Egunkariako langileen deialdiari hainbat azpeitiarrek erantzun dio, eta lanuzteak eta elkarretaratzeak izan dira herriko gune ezberdinetan. Gaur arratsalderako ere elkarretaratzeko deia egin da. Elkarretaratzea Enparantza Nagusian 20:00etan izango da. Goizeko ekitaldiak argazkitan bildu ditugu albiste honetan.

 

Egunkariaz arituko dira Egunkariako langile azpeitiarrak

Azpeitiko Baite Euskara Elkartea | 2003-03-13 : 15:03 | Euskara

Hasera batean Koldo Izagirre zen, datorren asteazkenean, martxoaren 19an, Baitek antolatutako hitzaldia ematekotan, baina Izagirrek ezin duela eta Egunkariako langile azpeitiarrak emango dute hitzaldia.

EHEk deituta 70 lagun bildu ziren plazan ostiral arratsaldean

EHE | 2003-03-10 : 15:03 | Euskara

Pasa den ostiral arratsaldean 70 lagun elkartu ziren Enparantza Nagusian Euskal Herrian Euskaraz taldeak deituta Euskal Herririk ez euskararik gabe lelopean egindako elkarretaratzean.

 

»» Erantzunak: 1 (Uztarria.eus)

Emaitzak: 622 | Orriak: 1 2 3 4 ... 25 26 27 28 29 30 31 32