Sanagustin kulturgunearen 10. urtemugako ekitaldia, uztailaren 24an

Sanagustin kulturgunearen 10. urteurreneko Herri Batzordeko kideak, maiatzaren 3an, ospakizun egitarauaren aurkezpenean.

Kulturgunean bertan izango da 12:00etan hasita, eta osasun egoera tarteko, aforoa mugatua izango da. Hitzartzeak izango dira ekitaldian, eta haien ondoren, herriko talde eta sortzaile hainbatek emanaldiak eskainiko dituzte. 

Sanagustin kulturgunearen 10. urteurreneko herri ekitaldia uztailaren 24an, larunbatarekin, izango da, 12:00etan hasita. Hitzartzeak izango dira ekitaldian, eta haien ondoren, herriko talde eta sortzaile hainbatek emanaldiak eskainiko dituzte.

Hain zuzen ere, kulturguneko agertokian izango dira Leire Ostolaza bertsolaria eta Iraia Bereziartua biolin jotzailea, Juan Antxieta musika eskolako eta Antzerki Eskolako umeak, Julen Hidalgo eta Iratz Uranga musikariak nahiz Azketa ahots taldeko kideak. Gainera, Sanagustinen hamargarren urteurrenaren harira egindako kapsulen bilduma ere ikusi ahal izango da saio eta saio artean.

Horrez gain, 10 urte, 10 argazki panel erakusketa zabalduko da zapatuan bertan, eta ekitaldira joaten diren herritarrentzat mokadua ere izango da. Osasun egoera dela-eta, ordea, ekitaldiko aforoa mugatuta egongo da.

Sanagustin kulturgunearen 10. urtemugako ospakizunak ez dira ekitaldi horrekin amaituko; izan ere, datorren urriaren 5ean Herri ekimena eta kooperatibismoa nazio jardunaldia izango da Sanagustin kulturgunean. Izatez, ekainaren 25ean zen egitekoa jardunaldia, baina hizlarietako batek min hartu zuelako atzeratu egin zen data. Bestalde, kapsulen bildumako 11.a ere urrian kaleratuko du Herri Batzordeak, ospakizunetako egitaraua orduan amaituko delako.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide