Pertsona migratzaileek legearen aurrean bizi dituzten egoerak aztergai izan dituzte Basazabalen

Erabiltzailearen aurpegia

Hafsa Fenehara eta Nimra Ghazanfar zuzenbide ikasleek legeari dagozkion azalpenak eta bizipen pertsonalak uztartu zituzten atzo Basazabalen eskainitako solasaldian.

Hafsa Fenehara eta Nimra Ghazanfar zuzenbide ikasleek legeari dagozkion azalpenak eta bizipen pertsonalak uztartu zituzten atzo Basazabalen eskainitako solasaldian. Gai ezberdinak izan zituzten hizpide Elkar-ekinek antolatutako mahainguruan, eta, denbora batera, bigarren saio bat egitea beharrezkoa dela aipatu zuten, amaieran.

Solasaldiaren helburua pertsona migratzaileek legearen aurrean dituzten zailtasunak aztertzea zen, eta, horretarako, Fenehara eta Ghazanfar izan genituen gurekin. Erroldaren gaiarekin ekin zioten mintzaldiari, baina bestelako kontuak ere atera ziren saioak iraun zuen ordu eta erdian: besteak beste, herritartasuna lortzeko eman beharreko pausoak, Azpeitiko migratzaileen kopurua eta egoera, udalaren protokoloa, migratzaile gisa hizlariek izandako bizipenak eta abar.

Bestelako gaiak ere izan zituzten hizpide amaieran; integrazioaz aritu ziren, besteak beste. Ghazanfar-ek, adibidez, hala esan zuen: "17 urte daramatzat hemen bizitzen, atzerritarra naiz, emakumea naiz, eta zapia daramat. Kit konpletoa dut diskriminatua izateko".

Erlazionatuak

Nimra Ghazanfar Ali: "Bi aldeetan dago informazio eta komunikazio gabezia"

Gizartea

Etorkinak eta integrazioa izenburuarekin hitzaldia eskainiko du gaur Basazabalen (18:30), Elkar-ekinek antolatuta, Hafsa Fenehara ikaskidearekin ba...

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide