Azkoitia-Azpeitia ISBk Brooke Bjelko pibot estatubatuarra fitxatu du 2022-23 denboraldirako. AEBetako NCAA mailako Bryant Bulldogs taldetik dator Bjelko Azkoiti-Azpeitira. 1,91 metroko garaiera du pibotak, eta ISBk nabarmendu du "handia" eta"indartsua" dela uztaipeko lanerako.
Batez beste, 13,1 puntu, 7,1 errebote eta 1,6 asistentzia lortu zituen azken denboraldian Bryant Bulldogs taldean. 2020-21 sasoian, berriz, 15,9 puntu, 9,1 errebote eta 1,4 asistentziako batez bestekoa lortu zuen Bjelkok. Pibot estatubatuarrak AEBetatik kanpoko lehen esperientzia biziko du Azkoitia-Azpeitia ISBn.