Sansebastianak 2022

Sansebastianik ez, danborrada bai

Batzuk kalez jantzita eta beste batzuk beren danborrada taldeetako jantziak soinean zituztela, hainbat herritar elkartu eta sansebastianetako doinuak kantatzen eta danborra jotzen ibili ziren atzo gauean Alde Zaharreko kaleetan.

San Sebastian jairik ez da izango aurten ere Azpeitian, bigarren urtez jarraian. Koronabirusaren pandemiaren eragina eta horren aurrean ezarritako neurriak tarteko, urtarrilaren 19ko helduen danborrada eta gaurko egunez egitekoa zen haurrena bertan behera uztea adostu dute udalak eta eragileek, eta bestelako festa ekitaldiak ere ez egitea erabaki du udalak.

Hala ere, eta oso bestelako formatuan, danbor hotsik ez zen falta izan atzo, San Sebastian bezperako gauean, herriko Alde Zaharreko kaleetan. Batzuk kalez jantzita eta beste batzuk beren danborrada taldeetako jantziak soinean zituztela, hainbat herritar elkartu eta sansebastianetako doinuak kantatzen eta danborra jotzen ibili ziren. Gauerdia baino lehen atera ziren kalera. Plazan geldialdia ere egin zuten, gauerdia pasatuta eta bandera igoerarik egon ez arren, San Sebastian martxa jotzeko.

Erlazionatuak

Danborrada izan zen Azpeitian

Iritzia

Atzo gauean kalez kale ibili ziren danbor-jotzaileen bueltan kronika hau idatzi du Aitor Unanuek. "Zalantzarik gabe, San Sebastian egunaren bezpera...

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide