Aitortza eginez gogoratu dituzte 1936ko gerra garaian herritik bota zituzten emakumeen bizipenak

Igandean 85 urte beteko dira Francoren aldeko tropak Azpeitian sartu zirela, eta urteurren horren harira, aitortza egin zieten gerra garaian Azpeitik bota zituzten zortzi emakumeri. Ekitaldian izan ziren haien senitartekoak, eta pozez hartu zuten aitortza, emakume haien bizipenak gogora ekarriz.

Azpeitiko Udalak eta Aranzadi zientzia elkarteak aitortza egin diete 1936ko gerra garaian Azpeititik alde egiteko agindua jaso zuten zortzi emakumeri. Juana Agirre, Catalina Bereziartua, Maria Ezeiza, Casiana Etxaniz, Joxepa Etxeberria, Maria Etxeberria, Isabel Gomez eta Maria Orbegozo dira gogora ekarri dituzten emakumeen izenak. Zortzi emakume horiek Azpeititik bota zituzten 1936ko gerra garaian, Espainiako Errepublikaren kontra altxatutako tropek herria hartu eta gero. Haien historia gogoratuz, aitortza ekitaldia egin zuten atzo Basazabal jauregian, eta bertan izan ziren gogora ekarritako zortzi emakumeen senitartekoak. Haiek oroigarri bana jaso zuten udalaren eta Aranzadiren izenean.

Igandean, irailaren 19an, Francoren aldeko tropak Azpeitian sartu zirela 85 urte beteko dira, eta urteurren horren harira prestatu dute udalak eta Aranzadik atzo Basazabal jauregian egindako aitortza ekitaldia.

Atzoko hitzordua bi erakundeek memoria historikoa herritarren artean ezagutarazteko eta  "gertatutakoaren inguruan egia, justizia eta erreparazioa aldarrikatzeko"egindako lanean fruitua dela adierazi du Javi Buces historialariak. Senitartekoek pozez hartu dute aitortza, emakume haien bizipenak gogora ekarriz.

Ekitaldiaren inguruko xehetasunak eta argazki bilduma, hemen

Erlazionatuak

Gerra garaian herritik bota zituzten emakumeei aitortza, 85 urte eta gero

Politika

Azpeititik alde egiteko agindua jaso zuten zortzi emakumeren historia gogora ekarri dute gaur Basazabal jauregian, gerra hartan eta gerraostean ask...

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide