Euskal Antzerki Topaketak 2016

Abiatu dira XXXIV. Euskal Antzerki Topaketak

Atzo, azaroak 1, hasi ziren XXXIV. Euskal Antzerki Topaketak, Tetes de Mules taldearen L'Entresort antzezlanarekin. Antzerki taldeak Perez Arregi plazan jarri zuten karpak ikusmira sortu zuen herritarren artean, eta dozenaka lagun bertaratu zen antzerki obra ikustera. (Argazki gehiago, Urola Kostako Hitzaren webgunean).

Euskal Antzerki Topaketak hasi besterik ez dira egin, ordea, eta azaroaren 26ra arte izango da zer ikusi eta zertaz gozatu. Hurrengo zita datorren ostiralean, azaroaren 4an, izango da, eta Francoren bilobari gutuna antzezlana eskainiko dute Soreasu antzokian, 21:30ean hasita. Besteak beste, Erika Olaizola aktore azpeitiarra igoko da oholtzara, Unai Iturriagak eta Igor Elortzak idatzi eta Ximon Fuchek zuzendutako obra eskaintzera.

Sarrerak aurrez salgai izango dira azpeitia.eus webgunean.  Soreasuko leihatila, aldiz, antzezlana baino ordubete lehenago zabalduko dute. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide