Hainbat diziplinatarako egonaldiak antolatzen dituzte Dinamoa sormen gunean. Sormen egonaldi bat zer zen ondo jakin gabe hasi ziren horretan, baina deialdi eskaintza finkoa dute orain. Adierazi dute erakunde publikoek babes gutxi ematen dietela. Berria egunkarian, Artea sortzen den lekuak seriearen barruan, egin duten erreportajea ekarri du hona Gukak,

Txapelak pilatu eta pilatu ari dira German Aranburu (Azpeitia, 2002) eta Jone Arriaran (Azpeitia, 2007) dantzariak. Udan oporrik ez dute izan, herriz herri festak ugari izanik, dantza suelto txapelketen sasoia izan ohi delako. Hainbat hitzordu dituzte datozen egunetan ere, eta badute txapel bat jomugan: Euskal Herrikoa.