Abendua gerturatzen ari da, eta gure urteroko egitarauko klasiko batekin gatoz: Udazkeneko Mendi Astea. Aurten emanaldi denak Basazabal jauregiko aretoan izango dira, arratsaldeko zazpietan, eta hiru hitzordu interesgarri dira prestatu ditugunak:
- Abenduaren 12a. Phurbi Chyachu (6.637 m, 2023) eta Jannu (7.468 m, 2022) mendietara espedizioak, Mikel Zabalzarekin eta Iker Madozekin.
- Abenduaren 13a. Kharut II-ko espedizioa, Koldo Zubimendirekin.
- Abenduaren 14a. Azpeitiko eskaladaren hastapenei buruzko emanaldia, herriko hiru eskalatzaile beteranorekin.
Egunak gerturatzen joan ahala, joango gara ekitaldi bakoitzari buruzko xehetasun gehiago ematen. Ordura arte!