Azaroaren 18an Gipuzkoako hego-mendebaldera joango gara, Zaraiako mendilerrora. Arrasateko herrigunetik abiatuta, Urkuluko urtegira igoko gara lehenengo, eta handik Kurutzebarriko gailurrera. Hortik aurrera, naturagunean barneratuko gara, Degurixako bailara jaitsi, eta ondoren, Ezateko lepotik igaro ostean, Araotzera jaitsiz amaituko dugu ibilaldia.
Ibilbideak 19 kilometro luze eta 1.200 metroko desnibela ditu, beraz, mendian pixka bat ibiltzen den edonorentzako da egokia. Ibilbideak paisaia eta ikuspegi zoragarriak eskaintzen ditu, etxetik gertu izanagatik ere, askorentzat ezezagunak direnak. Beraz, ez galdu aukera eta animatu!
Informazio gehigarria, eta izen ematea gure web orrian aurkituko dituzue.