Lagun Onak Mendi Bazkunak joan zen zapatuan ekin zion Azpeitia eta Iruñea lotuko dituen mendi egitasmoari. Azpeitia eta Tolosa artean egin zuten aurreneko etapa, 24 kilometrokoa, eta 70 lagun animatu ziren ibilbide hori osatzera. Herniotik aurrera gehienentzat ezezagunak ziren parajeetan barrena ibili ziren parte hartzaileak; eguraldia lagun, bide atseginaz eta ikuspegi ederrez gozatzeko aukera izan zuten horiek. Apirilaren 9an jarraituko dute egitasmoarekin, Tolosatik Leitzarako bidea egingo baitute egun horretan.
Larunbateko argazki galeria osoa honako lotura honetan ikus daiteke.