Otsailaren 13an, igandez, gaztetxoek nahiz helduek goiz irteera egiteko aukera izango dute. Izan ere, Lagun Onak Mendi Bazkunak Gipuzkoako mendi ikonikoetariko batera txangoa egingo du: Udalaitzera.
Zazpi kilometroko aldapadun ibilbide labur bezain ederra egingo dute parte-hartzaileek, eta eguraldia lagun baldin bada, paisaiaz eta ikuspegiez gozatu ahal izango dute. Hain zuzen ere, 700 metroko maldadun bidea egingo dute Udala eta Udalaitz artean.
09:00etan aterako da autobusa anbulatorioaren aurretik, eta dagoeneko eman daiteke txangorako izena Lagun Onak Mendi Bazkunaren webgunean; osteguna izango da izena emateko azken eguna. Bazkideek bost euro ordaindu beharko dute, eta gainerako herritarrek, zortzi euro.