Adam Ondra eskalatzailea Azpeitian izango da abenduaren 10ean

Erabiltzailearen aurpegia
Adam Ondra.

Abenduaren 10ean eskainiko du solasaldia Soreasu antzokian, 22:00etan hasita. Sarrerak gaur 18:00etatik aurrera izango dira salgai Kulturaz kooperatibaren webgunean.

Abenduaren 10ean erraldoi batek bisitatuko du Azpeitia, #MendikoAhotsak emanaldi zikloaren barruan: Adam Ondra eskaladaren legenda biziak. Kirolari bezala ez du parekorik: txekiarra 9b+ eta 9c zailtasun mailako bideak eskalatu dituen lehenengoa da, 9a zailtasuneko ia 200 bide eskalatu ditu, dozenaka domina eskuratu munduko txapelketetan...

22:00etan eskainiko du solasaldia Soreasu antzokian, eta Patxi Usobiaga eskalatzaile eibartarrak gidatuko du saioa. Sarrerak gaur arratsaldean jarriko dira salgai, Kulturaz.eus webgunean.

Ez galdu aukera!

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide