Datorren asteko larunbaterako planik bai? Lagun Onak Mendi Bazkunak azaroaren 13an, zapatua, Aralar zeharkatzea proposatzen dizue: Amezketan hasi, mendilerroaren bihotzeraino sartu, Lareoko putzuan irten eta Lizarrustin amaitu.
Meategiak, trikuharriak, gailurrak, basoak, larreak... denetariko ikusi ahal izango dira. Aralarreko txokorik ikonikoenetako batzuk bisitatzeko aukera izango da. Egun osoko mendi ibilaldi izango da, eta autobusa 08:00etan aterako da anbulatorioaren aurretik.
Irteerarako izena eman daiteke dagoeneko Lagun Onak Mendi Bazkunaren webgunean. Bazkideen hamar euro ordaindu beharko dute irteerara joateko, eta bazkide ez direnek, berriz, hamabost euro.