40 lagun inguru elkartu dira Iker Karreraren 'Bidea ipar' liburuaren aurkezpenean

Erabiltzailearen aurpegia

Bidea ipar liburua aurkeztu zuen amezketarrak atzo, osteguna, Soreasu antzokian. Liburuaz gain, mendiari, mendizaletasunari eta bizitzari buruz ere jardun zen solasean Karrera.

Segurtasun neurri guztiak eta osasun gomendioak zorrotz beteta, 40 lagun inguru elkartu ginen atzo, osteguna, Soreasu antzokian, Iker Karrera mendi korrikalariaren bizipenak biltzen dituen Bidea ipar liburuaren aurkezpenean. Unai Ugartemendiak osatu du biografia, eta autorea eta protagonista, biak egon ziren presente ekitaldian. Kirol emaitzetatik harago, mendiari, mendizaletasunari eta orokorrean bizitzari buruzko hausnarketa benetan interesgarriak utzi zizkiguten biek ala biek.

Plazer bat, eta batez ere luxu bat aurrez aurre horrelakoak entzuteko aukera izatea. Eskerrik beroenak Kulturazi eta Azpeitiko Udalari ekitaldia antolatzen emandako laguntzagatik, eta nola ez Unai eta Ikerri, momentu oro erakutsi diguten umiltasun eta prestutasunagatik. Liburuari buruz, Desnivel argitaletxeak euskaraz argitaratu duen lehenengo lana nabarmendu behar da. Erosi eta sinatzea nahi izanez gero, bideaipar@gmail.com helbidera idatz dezakezue.

Erlazionatuak

Iker Karrera: "Etxean bezala sentitzen naiz edozein menditan"

Kirolak

Iker Karrera (Amezketa, Gipuzkoa, 1974) mendi lasterkariaren ibilbidea jasotzen duen ‘Bidea ipar’ liburua aurkeztuko dute gaur, 19:00et...

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide