Asteburuko futbol emaitzak

Erabiltzailearen aurpegia

Ez da gure mutilen astebururik onena izan, partida onak jokatu baldin badituzte ere. Oraindik denboraldia luzea da, eta partida asko daude jokoan.

Preferenteko mutilek Lagun Onaken aurkako derbia jokatu zuten. Partida ona jokatu zuten Alkortaren mutilek, baina Lagunekoak gehiago izan ziren, eta 1-2 irabazi zuten.

Erregional mutilek Anaitasunaren kontra jokatu zuten larunbat eguerdian. Azkoitiarrek sailkapenaren goiko aldean daudela erakutsi zuten, eta gureek ezin izan zuten nahi bezalako partida egin.

Jubenil mutilek, berriz, Zestoaren kontra jokatu zuten ostiral arratsaldean. Markagailu estu izan zen, baina etxekoak 3 eta 1 nagusitu ziren azkenean.

Kadete A taldeak ere Zestoaren kontra izan zuen partida zapatuan, Garmendipen. Gol askoko partida izan zen, baina zestoarrak gehiago izan ziren, eta 3 eta 5 irabazi zuten.

Kadete B taldeak Soraluzen jokatutako partidan etxekoak nagusitu ziren 6 eta 0. Aupa mutilak!

Infantil mutilek ere Zestoaren aurka jokatu zuten neurketa; etxekoak nagusitu ziren, baina bi taldeek partida polita jokatu zuten.

#AupaIkas

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide