Datorren ostegunean, azaroak 11, Errigoraren kanpainako saskiak eskatzeko epea bukatuko da. Urtero bezala, Nafarroa hegoalde eta erdialdeko produktuz osatutako hiru saski dira aukeran, eta horien balioaren %25 zonaldeko euskalgintzari laguntzera bideratzen da. Azken urteotan herriak herriari egindako ekarpena izugarria izan da, baina, tamalez, oraindik egindakoa baino askoz gehiago dugu egiteko.
Azpeitian, honako puntuetan egin daitezke eskaerak: Orkatzen, Elkargunean, Elikagunean, Ikasberrin eta ELAren egoitzan. Sarean, berriz, www.errigora.eus webgunean egin ahalko dira.
Sarean eskatzen dutenek Elikagunean jasoko dituzte saskiak, eta besteek, eskatu dituzten lekuetan. Saskiak abenduaren hasieran banatuko dira eskatzaileen artean.