Alots Arregi Azpeitiko bizilagunaren arteak jantziko du Anariren estudioko lan berria. Hilaren 29an ikusiko du argia musikari azkoitiarraren Giza zarata diskoak, eta haren azala zein gainontzeko elementu artistikoak Arregik sortu ditu. Arregi eskertuta azaldu da emandako aukeragatik, eta gustura gelditu da egindako lanarekin.
Anariren lan berriaren aurrerapena, Troiako zaldia, dagoeneko entzungai da, Maxixatzenek duela egun batzuk aurreratu bezala. Cadizen (Espainia) grabatu du disko berria musikariak, Tristuraren Industria zigilu berriarekin.