EITBk Sukaldarien liga programa berria kaleratuko du aurki, eta bertan parte hartuko duten 50 sukaldarietako bat izango da Maite Garcia azpeitiarra. Euskal Herriko sukaldaririk onenaren titulua lortzeko trikimailurik hoberenak erabili beharko dituzte parte hartzaileek bertan. Lehiaketa gastronomikoa Bizkaiko Prime Time Mediak ekoitzi du EITBrentzat, eta urtarrilaren 16an estreinatuko dute lehenengo saioa.
Ainhoa Etxebarriak egingo ditu aurkezle lanak. Partaideek egindako platerak probatzeaz eta baloratzeaz arduratuko dira, aldiz, honako epaimahaikideak: Javi Rivero, Maider Larrañaga eta Aitzol Zugasti.
Ingelesa ikastera joan zen gaztetan Maite Garcia, eta bertan hasi zen sukaldaritza mundua gehiago ezagutzen. Mahaiaren bueltan "gozatu" egiten du, eta beretzat sukaldea ihes egiteko modu bat dela dio.