Imanol Lazkano eta Xabier Euzkitze solasean eta bertsotan, 'Biba zuek!' saioan

Erabiltzailearen aurpegia

Bilintxen menda hamabostaldia hizpide izan zuten atzo ETB1eko saioan. Euzkitzek eta Lazkanok parte hartuko dute egitasmoan, eta horretaz hizketan jardun ondoren, Bilintxen bertsoekin kantuan jarri zituzten bi bertsolariak.

Joan den asteazkenean izan zen Indalezio Bizkarrondo Bilintx bertsolari donostiarraren jaiotzaren 190. urteurrena, eta bihar hasiko da Donostiako Udalak eta Donostia Kulturak urteurren horren harira antolatu duten Bilintxen menda kultur egitaraua. Maiatzeko lehen hamabostaldiaren barruan, bihar hasita, hitzaldi musikatu bat, mahai-inguru bat, hitzaldi bat eta bertso saioa egingo dituzte Donostian Bilintxen bueltan.

Bilintxen menda hizpide izan zuten atzo Biba zuek! ETB1eko saioan, eta egitasmoaz hitz egiteko gonbidatu zituzten Xabier Euzkitze eta Imanol Lazkano. Lazkanok maiatzaren 11n Gorbatatik piercingera izeneko hitzaldia emango du egitasmoaren barruan, Victoria Eugenia Club aretoan, Euzkitzek aurkeztuta.

Hizketan ez ezik, bertsotan ere jarri zituzten Euzkitze eta Lazkano atzoko telebista saioan. Bideo honetan ikusi eta entzun daiteke bi bertsolarien jarduna.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide