Aurtengo 100. ekitaldia izan zen atzo, igandea, Sanagustin kulturgunean, eta ez nolanahikoa. Izan ere, Mikel Urdangarin lehen aldiz igo zen kulturguneko oholtzara. Atzokoan, Margolaria diskoa aurkeztu zuen abeslari zornotzarrak bere kanta ezagunenekin tartekatuta. Arratsaldea goxatu zien Urdangarinek Sanagustinera hurbildu ziren lagunei. Honakoak Alberto Beloki argazkilariak zuzenekoan ateratako irudiak dira.
Datozen egunetan beste bi hitzordu
Hurrengo kontzertua aste honetan bertan; bi gainera: ostiralean, Mursego+Neighbor (sarrerak www.kulturaz.eus eta Sanagustin kulturgunean). Igandean, aldiz, Perlak + Ane Leux (doan).