Hitzaldietako gaiak gazteen prestakuntzan osagarriak dira, hala nola, Giza Eskubideak, Demokrazia, Memoria Historikoa, Bakearen Kultura eta aurten Lidergo Eraldatzailea gehitu da. Ikasleekin beraiekin elkarrizketan egiten diren hitzaldiak dira, elkarrekin bizi duten errealitatean oinarritutako ezagutza berriak eraikitzeko.
Orain arte bi sexuetako 200 nerabe baino gehiagorekin ari gara lanean, eta sortzen ari diren artista gazte talde batekin ere lan egitea espero dugu.
Eskerrik asko azpeitiarrei nazioaren etorkizuna diren gazteen prestakuntzan ekarpen garrantzitsu honengatik.
Palestinari elkartasuna eta manifestazio nazionalerako deia
Israelen eta Gazaren arteko gerra dela eta, Mubikek bere elkartasuna adierazi nahi dio Palestinako herriari. Zibilen aurkako erasoak etetea, gatazka politikoki konpontzea eta palestinarren lurren okupazioa eta Israelen apartheid politika buka daitezela nahi dugu. Negoziazio bat martxan jartzearen alde gaude, eta Palestinak berezko estatu bat sortzeko daukan zilegitasuna aldarrikatzen dugu.
Bide horretan, Gernika-Palestina ekinaldi herritarrak deituta Gazako sarraskia gelditzeko eta konponbide politikoa eskatzeko larunbat honetan egingo den manifestazioa nazionalerekin bat egiten dugu.