Lagun Onak futbol klubaren gizonezkoen talde nagusiak ateak itxita jokatuko du bihar Garmendipen San Ignacio taldearen kontrako ligako partida. Biharko neurketa hasi aurretik Ugaitz Kerejeta zenari omenaldia egitea zen klubaren asmoa, baina koronabirusaren osasun larrialdiari aurre egiteko hartu diren neurri berriak direla-eta bertan behera geldituko da asmo hori ere.
Espainiako Hirugarren Mailako ligaren hirugarren jardunaldiari dagokio bihar Lagun Onakek etxean jokatuko duen neurketa. Denboraldiko lehen bi partidak galdu egin ditu taldeak.