Gaur goizean herritar bat "haserre" etorri da Uztarriaren erredakziora, azaroaren 21ean ateratako argazki batzuk eskuko telefonoan zituela. Plastikozko Gabonetako zuhaitz zuri bat Urola ibaian ikus daiteke argazki horietan, eta emakumearen arabera, ia hilabete darama hortxe, ez aurrera eta ez atzera. Plastikozko pinua ibaira bota zuenaren jarrera gogor gaitzetsi du, nabarmenduz pare-parean zituela hainbat zaborrontzi. Horretaz gain, nabarmendu du dagokionak baduela garaia zuhaitza hortik jasotzeko.
