Herritar batek Uztarriara bidalitako argazkiak dira honako hauek. Hark salatu duenez, Garmendi auzuneko parkea ez dago egoera onean. "Parkeak ez du itxura ederra, eta auzoa bera ere aspaldian ahaztuta daukate. Herrian bertan jolas parke ugari daude, eta uste dut udaletxe ingurukoak ez daudela auzo honetakoak bezala. Ez dute astirik edukiko denen ardura hartzeko; izan ere, aspaldian ez dira inguru honetan ageri". Herritarraren arabera, auzokideek hitz egin dute beren artean, eta uste dute "narrats" dagoela parkea eta auzoa.
