Urtero kontu bera

Erabiltzailearen aurpegia
Urrestillako zurrunbiloko zume putzuak estaltzeko oholak, hondatuta.

Urrestillako zurrunbiloaren ondoko zume putzuak estaltzeko jarritako oholak "berriro ere" apurtuta daudela eta, gune horretarako bestelako irtenbide bat ematea eskatu du herritar batek.

Aratz errekako Urrestillako zurrunbiloaren ondoko zume putzuak estaltzeko jarrita dauden oholak "berriro ere" hondatuta daudela ohartarazi nahi izan du herritar batek. Han hartutako zenbait argazki bidali ditu Uztarriara, bi zume putzuen gaineko zurezko estalkiaren zuloak ageri direla; goikoa da horietako bat.

Oholak "urtero" hondatzen direla edota hondatzen dituztela dio herritar horrek, zurrunbilora bainua hartzera edo jolasera joaten direnentzat horrek sortzen duen "arriskua" azpimarratuz, eta erabiltzaile gehienak umeak direla ere nabarmendu nahi izan du. Arazo bera urtero errepikatzen denez, gune horri bestelako irtenbide bat ematea ere eskatu du.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide