Igor Froilanek irabazi du joan zen otsailaren 4an egin zen Gau Txori argazki rallya. Azpeitiko Argazki Elkarteko (AAE) Gorka Arregik, Julen Juaristik eta Santi Eliasek osatutako epaimahaiak atzo hartu zuen erabakia: haien iritziz, Froilanena izan da bilduma onena. Bigarren, berriz, Ivan Rodriguez sailkatu da, eta hirugarren Arantza Rodriguez, eta herriko lehen sailkatu Oscar Baile izan da.
Sari banaketa ekitaldia eta lehiaketara aurkeztutako argazkien proiekzioa otsailaren 25ean, zapatuan, izango da, Dinamoa sormen gunean, 18:30ean hasita.
Duela bi aste egin zen argazki rallyan 21 lagunek parte hartu zuten. AAEk jakinarazi duenez, Barakaldoko, Mañeruko, Donostiako, Oñatiko, Zumaiako, Zestoako eta Azpeitiko argazkilariak aritu ziren irudi onenen bila.