Gorka Arregi, 2021eko AAEren barne lehiaketaren irabazlea

Erabiltzailearen aurpegia
Gorka Arregiren argazkia.

Bigarren Iñigo Olarte sailkatu da, eta hirugarren, Juan Mari Ibarzabal. Atzo egin zuten erabakia hartzeko bilera Azpeitiko Argazki Elkarteko kideek.

Atzo, ostegunarekin, aztertu zituen Azpeitiko Argazki Elkarteak 2021eko 12x12 barne lehiaketako emaitza guztiak, eta urteko argazki bildumarik onena Gorka Arregirena izan da. Bigarren Iñigo Olarte sailkatu da, eta hirugarren, Juan Mari Ibarzabal.

Ez zen, baina, hori izan atzoko bilkuran hartutako erabaki bakarra. Izan ere, abenduko barne lehiaketako argazkiak ikusi eta bozkatu zituzten. Abenduko gaia Argazki lapurtua izan zen; hau da, argazkian ageri den pertsona konturatu gabe egindako argazkia. Irudirik onena Iñigo Olarterena izan zen, eta bigarren eta hirugarren sailkatu ziren, hurrenez hurren, Juan Carlos del Pozo eta Angel Olabarria. Honako lotura honetan ikus daitezke abenduko argazkiak.

Argazki Elkarteak eskerrak eman nahi dizkie hilabete hauetan argazki lehiaketan parte hartu duten bazkide guztiei, eta aurten ere, hileroko gaia kamerarekin irudikatzen jarraitzeko deia egin die.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide