Igande gauean, Elegante Egunez, gizonezko batek emakume bat bortxatu zuen herrian, eta Ertzaintzak atxilotu egin zuen ustezko erasotzailea. Ertzaintzak emandako datuen arabera, atxilotutako gizonak 24 urte ditu, eta biktimaren ezaguna da. Erasotzailea Urola Kostako ertzain etxean atxilotuta zuten bitartean, jakin zuten beste emakume bati ere sexu erasoa egin ziola; bigarren biktima bortxaketa salatu duen emakumearen laguna da. Lehen emakumea bortxatu ostean egin zion erasoa bigarrenari.
Atxilotua gaur utzi dute epailearen esku Azpeitiko Epaitegian, Eusko Jaurlaritzako Segurtasun Sailak jakinarazi duenez.
Erasoen berri izan orduko, Azpeitiko Udalak karnabalak bertan behera uztea erabaki zuen, eta atzo arratsaldean elkarretaratze jendetsua egin zuten erasoak gaitzesteko.