Joan den igandean jokatu zuten Izarraitz pilotalekuan Gipuzkoako Pala Luzeko Txapelketaren finalerdia, eta Ilunpeko Erreminta Saileko palistak finalerako txartelik gabe gelditu ziren, Andoaingo Gazteleku 2 taldearen aurka 27-45 galduta. Igande honetan, ekainak 5, txapelketaren finala jokatu behar zuten Andoainen Ordiziako Oiangu taldeak eta Gazteleku 2 taldeak, baina finala Azpeitira lekualdatu du orain Gipuzkoako Pilota Federazioak.
Beraz, datorren ekainaren 12an, igandea, Izarraitz pilotalekuan izango da Gipuzkoako Pala Luzeko Txapelketaren finala. Hasteko, Ilunpeko Mikel Sanchezek eta Eneko Martijak Tolosaren aurka neurtuko dituzte indarrak, hirugarren eta laugarren postuak erabakitzeko. Horren ostean, 11:00etan, txapelketaren finala jokatuko dute Oainguk eta Gazteleku 2k.