Sorrera: 1982-1983 ikasturtea.
Egoitza: Perdillegi 1.
Atari digitalak:
Harremanetarako: antxieta@antxieta.eus.
Historia: 1982-1983koa izan zen lehen ikasturte ofiziala Juan de Antxieta Musika Eskola bezala. Haren helburu nagusiak dira Azpeitiko herrian kultur mugimenduko partaide izatea; Euskal Herriko joera, ohitura eta tradizioak ezagutzeko aukera eskaintzea; gaitasun bokazio berezia erakusten dutenak ikasketa profesionaletarako prestatzea; eta bakarkako nahiz taldeko jarduera bideratzeko musika instrumental irakaskuntza eskaintzea. Zerbitzu zabala du, musika tresna aukera handiarekin, eta adin guztietako herritarrei irekia.
Jarduera: kontzertuak (Santa Zezilia Egunean, karnabaletako atarian...), ikasturte bukaerako jaialdiak, festetako parte hartzeak (sansebastianetan danborradako taldea, jai karnabaleko kalejira edota Xanjuandegiko emanaldia), Umeen Eguna, eta besterik.
Elkarrizketa (2022-11-11, Uztarria.eus). Hiru esan:
- “Musika Eskolak 1982-1983 ikasturtean jaso zuen Jaurlaritzaren aitortza ofiziala eskola modura. Aurretik Azpeitian herritar batzuk ari ziren musika erakusten klase partikularretan, eta pentsatu zen elkartu beharra zegoela”.
- “300 ikasle pasatxo ditugu ikasturte honetan. (…) Garai batean ikasle izan zirenak orain guraso dira, eta haietako askoren seme-alabak dabiltza orain Musika Eskolan. Polita da hori ikustea, lotura eta segida bat dagoelako”.
- “Eskaintza zabala eta aberatsa dugu, festetan parte hartzen dugu eta musika kalean izaten da…”.