- Pedro Mayo (Joxe Ripiau)
"Joxe Ripiau taldearen edozein abestik nerabezaro-gazte garaiko parrandak ekartzen dizkit burura. Makina bat dantza egiten genuen talde horren abestiekin. Kilometroetan, Nafarroa Oinezen... musikari horiek zeuden gunetik ez ginen asko mugitzen".
- Negu hurbilak (Mikel Laboa)
"Gertaera tristeren bat dela-eta negar egiteko beharra izan dudanean, kotxean kantu hau entzun eta erraz atera izan zaizkit malkoak. Terapeutikoa dela esatea gehitxo da beharbada, baina barruak husteko balio izan dit abesti honek".
- Elektrizitatea (Zea Mays)
"Aiorak abesti honekin transmititzen duen indarra da niretzat abesti hau berezi egiten duena".
- Gaztelugatxeko martxa (Kepa Junkera)
"Inauteriak festa bereziak dira herritar askorentzat. Gure etxean ostiraleko jaialdiarekin hasten da inauterietako egitaraua, eta abesti hau jaiek sortzen duten ilusio puntu horrekin lotzen dut".
- Hilezkorrak (Azken sustraiak)
"Etxeko soinu banda aldatzen joan da alaben adinarekin. Orain dela urte batzuk, Pirritx, Porrotx eta Marimototsen edozein abestirekin osatuko nuke zerrenda hau; gaur egun, beste etapa baten gaude, eta arratsalde askotan entzuten dugun abestia da Hilezkorrak".
