"Baltsamiko" gisa definitu zuen behin idazle ezagun batek musika. Gainontzeko arte diziplinen aldean badu zerbait, jende masa zabalarengana heltzen dena. Badu botere bat oso zaila dena hitzetan esplikatzen. Potolokeria litzateke musikak mundua alda dezakeela esatea, baina bai aldarazten ditu pertsonen sentimenduak, eta sentitzen denaren araberakoa izaten da pertsonen jarrera; pertsonen jarreraren araberakoa, berriz, gizartea bera. Jarraitu hemen hainbat azpeitiarrek berariaz hautatutako euskal abestien proposamenak.
Patxi Altzibarren euskal kanta gogokoenak
abu 24 kultura
Azpeitiarren doinuak seriearen barruan, udako oporraldiaren bueltan, asteazkenero, hainbat herritarrek aukeratutako bosna euskal kanta jasotzen ari da Uztarria. Hau da Patxi Altzibar Baigera elkartearen zuzendaritza batzordeko presidenteak osatu duen zerrenda.
