Martzillako Uztai Txapelketa ere poltsikoratu du Xabier Iturraldek

Iturralde eta Lizarralde garaikurrarekin, Martzillako Uztai Txapelketan (Navarra Taurina-D. Lopez Aleman)

Ander Lizarralderekin batera parte hartu zuen txapelketan azpeitiarrak, eta behiari hamalau uztai sartzea lortu zuten. Gainera, alde handiarekin irabazi zuten Iturraldek eta Lizarraldek norgehiagoka, bigarren sailkatuek zazpi uztai sartu baitzizkioten beren behiari.

Denbora gutxian bi uztai txapelketa irabazi ditu Xabier Iturralde errekortari azpeitiarrak. Izan ere, joan den larunbatean Escatroneko (Aragoi, Espainia) Uztai Txapelketan lehen postua bereganatu zuen Iturraldek Ander Lizarralderekin batera, eta atzo, asteartea, Martzillan (Nafarroa) jokatu zen txapelketan ere jaun eta jabe izan zen bikotea. Guztira, hamabi bikote aritu ziren nor baino nor gehiago lehian, eta Merino ganadutegiko behiekin atera ziren zezen plazara. 152. zenbakidun behia tokatu zitzaiten Iturralderi eta Lizarralderi, eta partze-hartzen azken bikotea izan ziren. "Hamabigarren bikotea ginenez, horrek aukera eman zigun txapelketa nola zihoan ikusteko", azaldu du Iturraldek.

Iturralde eta Lizarralde plazara atera aurretik, Arturo Elvira eta Javier Ezquerro errekortariek sartu zituzten uztairik gehien: zazpi. Hala eta guztiz, azpeitiarra eta villabonatarra gogotsu atera ziren lehiara, eta behiari hamalau uztai sartu ahal izan zizkioten; hau da, bigarren postuan gelditu zirenen bikoitza.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide