Ilara luzeak sortu dira Bertanen bulegoan Azpeitia Zaindu bonuak erosteko

Azpeitia Zaindu bonuak erosteko ilara, Enparan kalean.

Tokiko saltokiak babesteko bi mila erosketa bonu atera dituzte Bertanek eta Azpeitiko Udalak, eta gaur, astelehena, jarri dituzte salgai txartelak. Interneten jarri dituzten bonu guztiak agortu dira dagoeneko, baina oraindik ere eskuragarri daude horiek Bertanen bulegoan.

Dagoeneko eros daitezke Azpeitiko Udalak eta Bertan Azpeitiko merkatarien elkarteak tokiko saltokiak babesteko ateratako bonuak. Joan zen astean adierazi zuten bi erakundeek Azpeitia Zaindu bonu kanpaina martxan jarriko zutela berriro, eta gaur, astelehena, jarri dituzte salgai bi mila bonuak Bertanen bulegoan eta www.dendago.com webgunean. Merkatarien elkarteko kideek adierazi dutenez, dagoeneko agortu dira Interneten salgai jarritako bonu guztiak, baina oraindik ere salgai dituzte hainbat txartel Enparan kalean duten bulegoan —09:00etatik 13:00etara eta 15:00etatik 17:00etara dago irekita—.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide