Egun garrantzisua izango da gaur, igandea, Juaristi ISB taldearentzat. Izan ere, Urrezko LEB ligarako igoera faseko lehen partida jokatuko dute etxeko mutilek kiroldegian, 18:00etan hasita, eta norgehiagoka zuzenean ikusteko aukera izango da, honako lotura honetan.
Bartzelona B taldea izango du aurkari Juaristi ISB taldeak, eta joan-etorriko finala irabaziz gero, Urrezko LEB ligarako txartela eskuratuko dute; talde hori izango da, gainera, 2020-2021 denboraldiko Zilarrezko LEB ligako txapelduna. Bartzelona B-ren kontrako finala galduz gero, berriz, beste zazpi talderekin batera jokatuko dute igoera fasea.
Honako lotura honetan irakur daiteke igoera faseko partiden atarian Uztarriak Iñaki Jimenezi egindako elkarrizketa.