Azpeitiko Udalak harrera egin dio Juaristi ISB taldeari

Nagore Alkorta, Ibon Guridi, Maier Lizaso eta Jose Luis Zubizarreta, udaletxean. (Azpeitiko Udala)

Zilarrezko LEB Ligako Kopako finala irabazi zuen atzo Juaristi ISBk, eta horren harira, Azpeitiko Udalak harrera egin dio saskibaloi taldeari.

Juaristi ISBk Zilarrezko LEB Ligako Kopa irabazi zuen atzo, larunbata, Bartzelona B taldea garaituta. 82 eta 84 menderatu zituen Iñaki Jimenezen taldeak aurkariak, eta garaipena eskuratuta, bigarren urtez jarraian Zilarrezko LEB Ligako Kopako txapelduna da Juaristi ISB.

Garaipen hori dela eta, Azpeitiko Udalak harrera egin dio gaur saskibaloi taldeari. Osasun larrialdia tarteko, oso jende gutxi elkartu da harreran: bertan izan dira Nagore Alkorta Azpeitiko alkatea, Jose Luis Zubizarreta Xubi Iraurgi saskibaloi klubeko zuzendaria, Maier Lizaso klubeko lehendakaria eta Ibon Guridi Juaristi ISBko kapitaina. Saskibaloi taldeko kideak zoriontzeaz gain, lore sorta bat eta oroigarria eman dizkie haiei alkateak.

Erlazionatuak

Bartzelona menderatuta, Juaristi ISBk Zilarrezko LEB Ligako Kopa irabazi du bigarren urtez jarraian

Kirolak

82 eta 84 menderatu du Iñaki Jimenezen taldeak Bartzelona. Arauzko neurketa 76na amaitu dute Bartzelonak eta Juaristi ISBk, eta luzapeneko b...

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide