Olentzerori eta Mari Domingiri harrera beroa egin diete herriko ikastetxeetan

Urteko azken eskola egunean, ikastetxez ikastetxe ibili dira Olentzero eta Mari Domingi. Aurten herrian agerraldirik ez dutela egingo jakinarazi du udalak, baina etxeko txikiekin ikastetxeetan egoteko urteroko hitzordura ez dute hutsik egin.

Egun bete-betea izan dute Olentzerok eta Mari Domingik. Goizean Azpeitiko Ikastola Karmelo Etxegarain eta Iraurgi Ikastetxean izan dira, eta arratsaldean Azpeitiko Ikastola Ikasberrin. Pandemia dela eta, aurten beste agerraldirik ez dute egingo herrian, baina gaurkoa ondo aprobetxatu dute guztiek ere.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide