Koronabirusa Azpeitian

Festarik ez, baina balkoiak gorri

Koronabirusa agertu izan ez balitz, Sanjuandegiko festak izango ziren asteburu honetan. Egoera tarteko, XJ auzolanean festa batzordeak ez du inolako ekitaldirik antolatu, baina auzotarrak balkoiak apaintzera animatu ditu. Sanjuandegiko bizilagunek, dei horri erantzunez, kolore gorriz apaindu dituzte balkoiak: zapiak jarri dituzte batzuek, puxikak beste zenbaitek... Gainera, festetako ikur den mantangorria ikusi ahal izan da hainbat balkoitan; balkoi batetik bestera ere zintzilikatu dute hainbatek. Horrela, auzotarrek erakutsi dute krisialdiak ez duela oztopatuko jai giroa, umorea lagun baldin bada.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide