Karnabalak 2019

Haurrentzat sukaldari tailerra eta sokamuturra, Astearte Karnabal arratsaldean

Azken txanpan sartu dira Azpeitiko inauteriak. Astearte Karnabal arratsaldez, sokamuturra izan da, ohi bezala. 16:30ean irten da zezena Erdikaletik, eta arratsaldean zehar, jende ugari bertaratu da zezena ikustera. Horrez gain, haurrentzako Txiki Chef sukaldaritza tailerra izan da, Azoka Plazan. 16:00etan hasi dira tailerrak, eta haur ugari bertaratu da; taloak, gominolazko tartak, pastak... denetarik egitera animatu dira sukaldari txikiak.

Festei amaiera emateko, Irulitxa txarangaren emanaldia izango da 18:30ean, eta 20:00etan, suzko zezenak agurtuko ditu karnabalak hurrengo urtera arte.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide