Etxean gelditu da Libre Ardo Eguneko Txorizo Egosi Lehiaketaren sari nagusia

X. Libre Ardo Egunak festa giroz bete du gaur, zapatua, Azpeitiko plaza. Uda usaineko eguraldia lagun, jende ugari elkartu da bertan, parte hartu duten 21 upategietako ardoak eta horiei laguntzeko aukeran zeuden jaki gozoak dastatzera.

Gazta eta, bereziki, txorizoa izan dira nagusi jakien artean. Ardo Egunarekin batera egin da, izan ere, Euskal Herriko III. Txorizo Egosi Lehiaketa, eta lehen saria etxeko harakin batek eskuratu du, Valentin Odriozolak. Bigarren saria Orioko Kepa Harategiak jaso du, eta hirugarrena Zumarragako Salegik.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide