Jon Alberdik galdu egin du Lau eta Erdiko Promozio mailako finala

Uztarria.eus | Kirolak
2019ko aza. 9a, 19:42

Jon Ander Peña tolosarrak 22 eta 15 irabazi dio azpeitiarrari Iruñeko Labriten jokatutako finalean.

Jon Alberdi, gaur bukatu den txapelketaren barruan Izarraitz frontoian jokatu duen partidan. (Javier Ruiz de Larrinaga)  Ikusi haundiago | Argazki originala

Jon Alberdi pilotariak ezin izan du txapela eskuratu Lau eta Erdiko Promozio mailan. Azpeitiarrak 22 eta 15 galdu du gaur arratsaldean Iruñeko Labriten, Jon Ander Peña tolosarraren kontra jokatu duen finalean.

Ederki ekin dio partidari Alberdik, eta ia beti aurretik ibili da lanerdietara arte. 11 eta 12koan jarri da azken aldiz aurretik markagailuan aurrelari azpeitiarra. Baina neurketak aurrera egin ahala indarra galtzen joan da, eta bigarren zatian nagusi izan da Peña. Tolosakoak hirugarren finala jarraian zuen gaurkoa kaiolako lehian Promozio mailan; hirugarrengo ahaleginean txapela jantzita, datorren urtean txapelketa nagusian jokatzeko txartela eskuratu du. Alberdik, berriz, profesionaletan lehen finala izan du gaurkoa.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu