Parrokia ezagutzeko bisita gidatua antolatu dute zapaturako

Uztarria.eus | Herria
2018ko aza. 8a, 08:24

Ezkutuko Altxorrak egitasmoaren barruan egingo dute doako bisitaldia, 12:00etan. Juan Bautista Mendizabal izango da gidaria.

Bakardadearen kapera eta bere historia ezagutzeko parada izango da, besteak beste, zapatuko hitzorduan.  Ikusi haundiago | Argazki originala

Etzi, azaroak 10, Soreasuko Sebastian Donearen parrokia hobeto ezagutu nahi dutenek horretarako aukera izango dute. Bisita gidatua antolatu dute Azpeitiko eliza nagusira, Ezkutuko Altxorrak egitasmoaren aurtengo egitarauaren barruan.

12:00etan hasiko da bisita gidatua. Parte hartu nahi dutenek ordu horretarako eliz atarira azaltzea besterik ez dute egin behar. Bisitaldia doakoa izango da eta Juan Bautista Mendizabalek beteko ditu gidari lanak.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu