Asteburuko partiden emaitzak

Erabiltzailearen aurpegia da hau Ikasberri Kirol Elkartea | Kirolak
2019ko urr. 28a, 15:24

Urriaren amaierara iristen ari gara pixkanaka, eta bukatu berri den asteburuak honako emaitza hauek utzi ditu. Bestalde, gogoratu: hilero bezala, zozketa egin eta irabazlearen izenaren berri emango dugu aste honetan. Hilabete honetako saria Villegas-Asier arraindegiarena izango da.

Preferenteko mutilek Tolosaren kontrako partidan hirunako berdinketa lortu zuten. Horrenbestez puntu bat eskuratu zuten.

Erregional mutilek Zestoaren aurka jokatu zuten, eta 3 eta 1 nagusitu zen etxeko taldea. Hala ere, esan beharra dago gure mutilek ez zietela erraz jarri neurketa.

Jubenil mutilen A taldeak ere Zestoaren kontra jokatu zuen larunbatean Azpeitian. Etxekoek ez zuten partida irabazterik izan, baina gol asko ikusteko aukera egon zen: 3 eta 6 galdu zuten gureek.

Jubenil mutilen B taldeak, berriz, Lagun Onaken aurkako partida 3 eta 2 galdu bazuen ere, esan beharra dago partida borrokatua jokatu eta zuten dena zelaian utzi zutela. Lan ona egin zuten, beraz.

Kadete mutilek atsedena izan dute asteburuan, eta datorren astean ekingo diote berriro jardunaldiari.

Infantil mutilek etxean jokatzen zuten lehen partida izan zen larunbatekoa. Derbia izan zen gainera, Lagun Onak B taldearen kontrakoa, hain zuzen ere. Bi taldeak parean aritu ziren arren, 1 eta 0 irabaztea lortu zuten.

#AupaIkas

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu